देवघाट, असार २२
देवघाट ५ पूरानो बस्तीका बोटे समुदायका १० परिवारलाई रेडियो वितरण गरिएको छ ।
देवघाट गाउँपालिका अध्यक्ष दुर्गबहादुर थापाले सूचनाको पहुँचबाट कोही बञ्चित नहोस् भनेर रेडियो वितरण गरिएको जनाए । देवघाट गाउँपालिका–५ बोटे घरपरिवारलाई करिब १० हजार बराबरको रेडियो वितरण गरिएको अध्यक्ष थापाले जनाए ।
प्रति परिवार २९० रुपैयाँ उठाएर र दाताको सहयोगमा २९० गरी प्रति रेडियो ५८० रुपैयाँका दरले वितरण गरिएको थापाले बताए । रेडियो वितरण कार्यक्रममा गाउँपालिका अध्यक्ष थापाले देशविदेशमा भएका घटनाक्रम, गाउँपालिकाले गरेका गतिविधि थाहा पाउन रेडियो सुन्ने बानीको विकास गराउन रेडियो वितरण गरिएको जनाए । सूचना पहुँचबाट नजिक रहन स्थानीयलाई थापाले आग्रह गरे ।
यस्तै सामुदायिक रेडियो देवघाटका स्टेशन म्यानेजर सुवास लामिछानेले सत्य, तथ्य र निष्पक्ष समाचार प्रशारण गर्न रेडियो देवघाट सदैव तयार रहेको बताए । श्रावण १ गतेदेखी गाउँपालिकाको साप्ताहिक कार्यक्रम, मासिक कार्यक्रम लगायतका अन्य गतिविधि सञ्चालन गरिने जनाए । कार्यक्रममा करिव २५ बढीको सहभागिता रहेको थियो ।
