अमेरिकी राष्ट्रपतीय निर्वाचनको जारी मतगणनामा राष्ट्रपति डोनाल्ड ट्रम्पले जो बाइडेनसँगको दुरी कम गरेका छन् । अमेरिकी राष्ट्रपतीय निर्वाचनको मतपरिणाम आउने क्रम जारी छ । दुवै उम्मेदवारबीच कडा टक्कर देखिएको छ।
हालसम्म डेमोक्रेटिक उम्मेदवार जो बाइडेनले २२० इलेक्टोरल मत हात पारेका छन् । उनले १८ राज्यको चुनाव जित्दै सो मत प्राप्त गरेका हुन् ।
राष्ट्रपति डोनाल्ड ट्रम्पले भने २१३ इलेक्टोरल मत प्राप्त गरेका छन् । उनले २३ राज्यमा चुनाव जितेका छन् । मध्यपश्चिमका ब्याटलग्राउण्ड राज्यको नतिजा आउन बाँकी रहेकाले अहिले नै भन्न सकिने अवस्था नरहेको उल्लेख छ।
जितका लागि उम्मेदवारले २७० मत प्राप्त गर्नुपर्ने हुन्छ ।
एजेन्सी
