पर्साको वीरगञ्जमा थप एक जनाको कोरोना संक्रमणबाट मृत्यु भएको छ ।
वीरगञ्ज–१२ मुर्ली की ६५ वर्षीया महिलाको शुक्रबार साँझ मृत्यु भएको नारायणी अस्पतालले जनाएको छ । उपचारको क्रममा साँझ साढे पाँच बजेतिर उनको मृत्यु भएको अस्पतालका डाक्टर उदय नारायण सिंहले जानकारी दिए ।
श्वासप्रश्वासमा समस्या भएपछि शुक्रबार दिउँसो २ बजेतिर ती महिलालाई नारायणी अस्पतालमा भर्ना गरिएको थियो । सो क्रममा ती महिलामा कोरोना संक्रमण पुष्टि भएको थियो । न्युन रक्तचापको समस्याले ग्रसित उनलाई पखाला पनि लागेको थियो । योसँगै वीरगञ्जमा कोरोना संक्रमणबाट मृत्यु हुनेको संख्या ४६ पुगेको छ ।
