खोंच खोलामा जन्मिए
वन पाखामा हुर्किए
डिल कान्लामा उफ्रिए
डण्डी बियो खेले
जात्रामा दगुरे
गाउंका पुजामा नाचे
भजन गाए
बालन भट्ट्याए
भोट मधेस गरे
नुन मटितेल ओसारे
कहिले काहिं
नया लुगा पनि फेरे
छिमेकिको दरबानी गरे
कम्पनी दाम पनि भित्र्याए
तर बा ले
गाउंले हुन कि शहरिया
शासक वर्गको ‘हो’ मा ‘हो’ मिसाएनन
आफ्नो ईज्जत कहिले पनि
उनीहरुका दैलोमा बिसाएनन
प्रकृतिको चक्रलाई धानी राख्न
गर्नु पर्ने सबै गरे
र त
यो धर्ती बांचि रह्यो
आफ्नो पुर्ख्यौली निष्ठा सांचि रह्यो
यस्ता ‘बा’हरू सबैलाई
दुवै हात जोड़ी
नमन छ मेरो।
