चितवनमा परीक्षण गर्दां अर्घाखाँचीका तीन जनामा कोरोना भाइरस (कोभिड–१९) संक्रमण पुष्टि भएको छ ।
भरतपुर अस्पताल कोभिड–१९ परीक्षण प्रयोगशालामा गरिएको परीक्षणमा अर्घाखाँची भूमिकास्थानका २७ र २८ वर्षीय, मालारानीका २९ वर्षीय पुरुष गरी तीन जनामा कोरोना भाइरस संक्रमण भुष्टि भएको भरतपुर अस्पतालले जानकारी दिएको छ ।
मंगलबार २५५ जनाको परीक्षण गर्दा ३ जनामा मात्रै कोरोना संक्रमण पुष्टि भएको हो । बाँकी २५२ जनाको कोरोना रिपोर्ट नेगेटिभ आएको छ ।
मंगलबार अर्घाखाँचीको २००, देवचुली नगरपालिकाको ५२, चितवन मेडिकल कलेजको १, पुरानो मेडिकल कलेजको १, भरतपुर कोभिड ल्याबको १ जनाको स्वाब नमुनको पीसीआर विधिबाट कोरोना परीक्षण गरिएको थियो ।
