चीन र भारतको सीमा क्षेत्रमा दुई देशका सैनिकबीच हिंसात्मक झडप भएको छ ।
लद्दाखको गलवान भ्यालीस्थित सीमा क्षेत्रमा भएको झडपमा तीन भारतीय सैनिकहरु मारिएका छन् । मृत्यू हुनेमा एक आर्मी अफिसर र दुई सिपाही छन् ।
सन् १९७५ पछि पहिलोपटक नियन्त्रण रेखामा भारतीय सेनाको ज्यान गएको हो । सीमा क्षेत्रमा बारम्बार तनाव उत्पन्न हुने गरे पनि गोली नचलेको लामो समय भइसकेको थियो । पछिल्लो समय एक महिनादेखि लद्दाखमा भारतले गरेको बाटो विस्तारलाई लिएर दुई देशबीच नयाँ तनाव उत्पन्न भएको थियो ।
