दाङमा दुई जनामा कोरोना भाइरस (कोभिड–१९) संक्रमण पुष्टि भएको छ ।
राप्ती स्वास्थ्य विज्ञान प्रतिष्ठानमा गरिएको परीक्षणमा गढवा गाउँपालिका निवासी २३ र ३६ वर्षीय पुरुषमा कोरोना संक्रमण पुष्टि भएको प्रतिष्ठानका उपकुलपति प्रा.डा.संगीता भण्डारीले जानकारी दिइन् । उनीहरुलाई सम्बन्धित स्थानीय तह र जिल्ला स्वास्थ्य कार्यालय दाङको सम्पर्कमा राखिएको भण्डारीले बताइन् ।
आज (शुक्रबार) बिहान नौ जनामा कोरोना संक्रमण पुष्टि भएको थियो । जसमा ८ जना बाँके नैनापुर निवासी हुन् भने एक जना मकवानपुर निवासी हुन् ।
