पूर्वप्रधानमन्त्री एवंम समाजवादी पार्टी नेपालका संघीय परिषद अध्यक्ष बाबुराम भट्टराईले पूर्वप्रधानमन्त्रीहरुको सम्पत्ति छानविन गर्नुपर्ने बताएका छन् । आज (बुधबार) प्रतिनिधिसभाको बैठकमा बोल्दै भट्टराईले आफूलगायत नेताको सम्पत्ति छानबिन गर्नुपर्ने माग गरे ।
उनले गाउँमा बुकुरो घर भएका नेताहरूको काठमाडौंमा कसरी महल ठडियो भन्नेबारे सम्पत्ति छानबिन हुनुपर्ने माग गरे ।
‘मलगायत सबैको सम्पत्ति छानबिन गरौं,’ भट्टराईले भने, ‘हिजो हामी त साथीहरूले दिएको जडौडी लुगा, चप्पल लगाएर हिड्थ्यौं। अहिले हामी कसरी सुटेटबुटेट भएका छौं। कसरी चिल्ला कार चढेर हिडेका छौं।’
