नेपाली युवा स्टार क्रिकेटर सन्दीप लामिछानेले घरेलु मैदानमै हुने ३औं दक्षिण एसियाली खेलकुद (साग) नखेल्ने भएका छन् ।
यही मंसिर १५ गतेदेखि हुने सागमा सन्दीप टिममा परे पनि प्रतियोगिता नखेल्ने निर्णय गरेका हुन् । उनले अरु कारण नभइ दुबै आँखाको शल्यक्रिया गरिएकोले प्रतियोगितामा सामेल नहुने बताएका हुन् ।
आँखामा समस्या देखिएपछि उनले डाक्टरहरुको सल्लाहमा आँखाको शल्यक्रिया गरेका हुन् । जसका कारण झण्डै चार साता सन्दीप मैदान बाहिर रहने छन् । आबुधाबीमा आयोजना भएको टी–१० लिगबाट फर्किएको २ दिनपछि उनले शल्यक्रिया गरेका हुन् ।
सन्दीपले सहभागिता जनाउन नसक्ने भएपछि उनको स्थानमा यू–१९ टोलीका कप्तान रोहितकुमार पौडेललाई साग टोलीमा समावेश गरिएको छ ।
