नारी अभ्युदय केन्द्र, नारायणगढको ३४औँ वार्षिक साधारण सभा संस्थाको सभाहलमा सौहार्दपूर्ण वातावरणमा सम्पन्न भएको छ।
संस्थाकी अध्यक्ष विष्णु रायमाझीको सभापतित्व तथा संस्थापक अध्यक्ष कस्तुरी श्रेष्ठको प्रमुख आतिथ्यतामा भएको कार्यक्रममा कुल ९६ जना सदस्यमध्ये ७८ जनाको उत्साहजनक उपस्थिति रहेको थियो।
कार्यक्रममा संस्थाकी सचिव बन्दना पियाले वार्षिक प्रगति प्रतिवेदन र कोषाध्यक्ष इन्दिरा श्रेष्ठले आर्थिक प्रतिवेदन प्रस्तुत गरेकी थिइन् । प्रस्तुत प्रतिवेदनहरूमाथि छलफल गर्दै सभाले संस्थाका आगामी कार्यदिशा र आर्थिक पारदर्शिताका विषयमा समेत महत्वपूर्ण निर्णय गरेको छ।
