पृथ्वी राजमार्गअन्तर्गत चितवनको इच्छाकामना गाउँपालिका–३ फिस्लिङमा खसेको पहिरो पन्छाएपछि सवारी सञ्चालनमा आएका छन् ।
।
शनिबार दिउँसो १ बजे पहिरो खसेपछि सडक दुबैतर्फ अवरुद्ध बनेका थिए । अहिले पहिरो पन्छाएपछि सवारी सञ्चालनमा आएको जिल्ला प्रहरी कार्यालयका सूचना अधिकारी प्रहरी नायब उपरीक्षक रवीन्द्र खनालले बताएका हुन् ।
निरन्तर वर्षा भइरहेकाले सावधानीपूर्वक यात्रा गर्न स्थानीय प्रशासनले आग्रह गरेको छ ।
