राष्ट्रपति रामचन्द्र पौडेलले मुलुकको वर्तमान विषम परिस्थितिमा संवैधानिक दायरा भित्र रहँदै समस्याको समाधान खोज्न सबै पक्षलाई अपिल गरेका छन्। राष्ट्रपतिबाट आज जारी गरिएको सन्देशमा आन्दोलनकारी नागरिकहरूको माग सम्बोधन गर्दै मुलुकमा लोकतन्त्रको संरक्षण तथा शान्ति–सुरक्षा कायम गर्न आफू निरन्तर विचार–विमर्शमा रहेको जनाएका छन्।
‘आन्दोलनकारी नागरिकहरूको माग सम्बोधन गर्न ढिला नगरी छिटो समाधानको बाटो खोज्नुपर्ने आवश्यकता छ,’ सन्देशमा लेखिएको छ, ‘मुलुकमा शान्ति–सुरक्षा कायम राख्न सबै पक्षले समयानुकूल सहयोग गर्नुपर्नेछ।’
