चितवनको माडी नगरपालिका–६ शिवराज्यपुरमा बुधवार नम्बर नभएको ‘अनटेस्ट’ स्कुटर कुकुरसँग ठोक्किएर अनियन्त्रित भई दुर्घटना भएको छ ।
स्कुटर अनियन्त्रित भई पल्टिँदा माडी–५ ब्रहम्पुरी बस्ने २६ वर्षीय जगतराज चापागाईको टाउको, गाला र ढाडमा चोट लागेको इलाका प्रहरी कार्यालय माडीले जानकारी दिएको छ ।
घाइतेको अवस्था मध्यम रहेको छ भने उनको भरतपुर अस्पतालमा उपचार भइरहेको छ ।
बुधवार साँझ साढे ७ बजेतिर भएको दुर्घटनाको बारेमा भरतपुर अस्पताल बिटमा खटिएका प्रहरीले इलाका प्रहरी कार्यालय माडीलाई बिहीवार दिउँसो जानकारी गराएका हुन् ।
