भरतपुर अस्पतालले निःशुल्क सटल बस सञ्चालन गर्ने भएको छ । विरामीहरुको सुविधाका लागि फागुन १ गतेबाट सटल बस सञ्चालन गर्न लागिएको हो ।
सटल बस भरतपुर अस्पतालबाट निस्किएर मालपोत चोक हुँदै–जिल्ला प्रशासन चोक–हाकिमचोक–चौविसकोठी–विरेन्द्र क्याम्पस चोक–विशाल चोक पुगेर बाइपास रोड हुँदै पुनः भरतपुर अस्पताल आउने छ ।
सटल बस उक्त रुटमा दैनिक कम्तिमा छ पटक गुड्ने भरतपुर अस्पतालका मेसु प्राडा कृष्णप्रसाद पौडेलले जानकारी दिए । ३० सिट क्षमताको उक्त बसको दुवै साइडमा भरतपुर अस्पताल लेखिएको छ भने अगाडिपट्टि ‘निःशुल्क सटल बस’ लेखिएको व्यानर टाँगिने पौडेलले बताए ।
भरतपुर अस्पतालले नमुना कामको थालनी गर्न लागेपछि सेवाग्राहीहरु खुसी भएका छन् । यसलाई निरन्तरता दिने विषय भने चुनौतीपूर्ण छ ।
