सिरियाली राजधानी दमास्कसको उमायाद मस्जिदमा एक परोपकारी गतिविधिमा निःशुल्क खाना खान खोज्दा भएको भागदौडमा परेर तीन महिलाको मृत्यु भएको छ । साथै पाँच बालबालिकाको गम्भीर चोटपटक लागेको छ ।
सिरियाली नागरिक रक्षा विभागकाअनुसार शुक्रवार सो घटना भएको हो ।
दमास्कसको पुरानो शहरको ऐतिहासिक मस्जिदको आँगनमा जनतालाई निःशुल्क खानाको लागि आमन्त्रित गर्ने एक प्रसिद्ध शेफ अबु ओमारी अल–दिमास्कीद्वारा प्रचारित भोजको क्रममा यो घटना भएको थियो ।
दमास्कसको सबैभन्दा प्रतिष्ठित स्थलहरू मध्ये एक उमायाद मस्जिदले सामान्यतया धार्मिक र सांस्कृतिक कार्यक्रमहरू आयोजना गर्दछ । त्यहाँ ठूला स्तरका सार्वजनिक जमघटहरू विरलै आयोजना गरिन्छन् र सामान्यतया स्थानीय अधिकारीहरूसँग पूर्व समन्वय आवश्यक पर्दछ ।
