चितवनमा बाँदर धपाउने क्रममा भरुवा बन्दुक पड्केर एक युवक घाईते भएका छन् । खेतमा मास खाइरहेको बाँदर धपाउन गएका भरतपुर महानगरपालिका–२९का २३ वर्षिय पासाङ भुजेल बन्दुक पड्केर घाईते भएका हुन् । बुधबार (हिजो) साँझ पाँच बजे बाँदर धपाउने क्रममा चिप्लेर लड्न पुग्दा आफुले बोकेको बन्दुक पड्किन पुगेको प्रहरीले जानकारी दिएको छ । घाइते भएका भुजेलको शरिरको विभिन्न भागमा छर्रा रहेका छन् । उनको उपचार नयाँ मेडिकल कलेज भरतपुरमा भइरहेको छ ।
यस्तै बरुवा बन्दुक बोकेर हिडिरहेको अवस्थामा एक जना पक्राउ परेका छन् । भरतपुर २९ स्थित बिनीडाँडाका कुमार गरुङलाई आज दिउँसो नियन्त्रणमा लिएको हो । यस्तै भरतपुर २९ सिरुबारीको झाडीमा अर्को बरुवा बन्दुक समेत बरामद गरिएको चितवन प्रहरीले जानकारी दिएको छ । एउटै घट्नाको अनुसन्धान गर्दै जाँदा अर्को हरियार फेला परेको प्रहरीले जानकारी दिएको छ ।
