कवि विपिन पाठकको पहिलो कवितासंग्रह ‘मरुभूमिमा वासन्ती याम’ लोकार्पण गरिएको छ । माडी साहित्य परिवारको सचिव समेत रहेका पाठकको कवितासंग्रह शुक्रवार माडीको पर्यटकीय स्थल रेडहिल पार्क (रातोमाटे डाँडा)मा एक कार्यक्रमका बीच लोकार्पण गरिएको हो ।
चितवन, मकवानपुर र नवलपरासीका साहित्यकारहरुको उपस्थितीमा माडी नगरपालिका प्रमुख ताराकुमारी काजी महतो, कवि भूपिन लगायतले कृतिको लोकार्पण गरेका हुन् ।
माडी साहित्य परिवारका अध्यक्ष चन्द्रमणि महतोको अध्यक्षता भएको उक्त कार्यक्रममा कवि पाठकका बुबा बालकृष्ण पाठक र आमा पार्वती पाठक पनि सहभागी थिए ।
कवि पाठकको व्यक्तित्व एवं कृतिबारे डा धनेश्वर भट्टराईले चर्चा गरेका थिए भने प्रेम रिमाल, रामप्रसाद न्यौपाने, प्रकाश चापागाईं, पुरुषोत्तम आचार्य लगायतले शुभकामना व्यक्त गरे । इन्डिगो इन्क प्रालि काठमाडौंबाट प्रकाशित सो कविता संग्रहमा ४० वटा कविता समेटिएका छन् ।
