चितवनको नारायणगढ–मुग्लिन सडक खण्ड अन्तरगत इच्छाकामना गाउँपालिका–६ जलबिरे नजिकै माइक्रोबस आफै अनियन्त्रित भई दुर्घटना हुँदा तीन जना घाइते भएका छन् ।
विहान ४ बजेको समयमा पूर्वी नवलपरासीको कावासोतीबाट काठमाण्डौ तर्फ जादै गरेको ग १ ख ९१५५ नम्बरको माईक्रो आफै अनियन्त्रित भई सडकको डिभाइडरमा ठोक्किदा माईक्रोमा सवार १७ जना मध्य ३ जना यात्रु घाइते भएको चितवन प्रहरीले जनाएको छ । घाइतेहरुको पुरानो मेडिकल कलेज भरतपुरमा उपचार भइरहेको छ । माईक्रो चालक चितवनको माडी नगरपालिका–१ बस्ने बर्ष ३३ का नन्दलाल महतो प्रहरीले नियन्त्रणमा लिएको छ ।
दुर्घटनामा माइक्रोमा सवार कावासोति–५ बस्ने बर्ष ६० की सन्तुमाया कुमाल, उदयपुर गाईघाट नगरपालिका–१५ बस्ने १९ वर्षको जेनिस बस्नेत र माईक्रोको सहचालक कावासोती–८ बस्ने बर्ष ३६ को धनश्याम न्यौपाने घाइते भएका छन् । सहचालक न्यौपानेको अवस्था गम्भिर रहेको प्रहरीले जनाएको छ ।
