साहित्य
भ्यालेन्टाइन डेमा कवि भूपिनको सन्देश: स्वर्ग, तिमीसँग आँधीमा पस्न पनि तयार छु
०
स्वर्ग
तिमीसँग त म नर्क जान पनि तैयार छु
मन्दिर जाऊँ भन्यौ
म आएँ ।
तिम्रो हात समाएर हिँडेको यो बगर, मेरो मन्दिर
तिम्रो गन्ध डुल्ने यो खेत\यो जंगल, मेरो मन्दिर
तिमी जान्छौ भने त
तिमीले वर माग्ने कुनै ढुंगाको घर, मेरो मन्दिर ।
साँचो हो, भगवानप्रति मेरो कुनै विश्वास छैन
तर कतै भेटेँ भने
मसँग केही मुद्दाहरू छन् उसका विरुद्ध ।
म टेबुल वार्ता गर्न चाहन्छु
मध्यस्थता तिमी गर्नू ।
तिमीसँग त म आँधीमा पस्न पनि तैयार छु
तिमीसँग त म नर्क जान पनि तैयार छु
मन्दिर जाऊँ भन्यौ
म आएँ ।
तिमीबिनाको स्वर्ग मेरो लागि नर्क समान
तिमी सहितको नर्क मेरो लागि स्वर्ग समान
सूर्यमुखी फूल भएकोछु
जता तिमी उतै फर्कन्छु ।
छहराजस्तो भएकोछु
जता तिमी उतै हाम्फाल्छु ।
तिमीसँग त म हावा नपुग्ने ठाउँमा पनि जान तैयार छु
तिमीसँग त म नर्क जान पनि तैयार छु
मन्दिर जाऊँ भन्यौं ।
म आएँ ।
–कवि भूपिन खड्का
तपाइको प्रतिक्रिया दिनुहोस्
Leave a Reply
सम्बन्धित समाचार
लोकप्रिय समाचार
छुटाउनु भयो कि?
>