पश्चिमी वायुको प्रभावले हिजोदेखि सुदूरपश्चिम, कर्णाली र लुम्बिनी प्रदेशका धेरै ठाउँमा हल्का वर्षा भएको छ । जल तथा मौसम पूर्वानुमान महाशाखाका अनुसार सुदूरपश्चिम प्रदेशका धेरै ठाउँहरुमा, कर्णाली प्रदेशका थोरै ठाउँहरुमा र लुम्बिनी प्रदेशका एक÷दुई ठाउँमा फाटफुटदेखि हल्का पानी परेको हो ।
आज गण्डकी, बाग्मती र कोशी प्रदेशका पहाडी भेगका केही ठाउँमा पनि फाटफुट पानी पर्ने सम्भावना रहेको महाशाखाका मौसमविद् मीनकुमार अर्यालले बताए । तर मधेश प्रदेश र कोशी प्रदेशका तराई भेगमा भने तत्काल पानी पर्ने सम्भावना नदेखिएको उहाँले बताउनुभयो ।
