बीबीए अध्ययनको लागि नेपाल राष्ट्रिय क्रिकेट टिमका उदयीमान ५ क्रिकेट खेलाडीलाई पूर्ण छात्रवृत्तिको अवसर पाएका छन् ।
फिनिक्स कलेज अफ म्यानेजमेन्टले राष्ट्रिय टिमका ब्याट्सम्यान कुशल मल्ल, विवेक यादव, पवन शराफ, मौसम (श्याम) ढकाल र प्रतिश जिसीलाई ४ वर्षे बीबीए अध्ययनको लागि पूर्ण छात्रवृत्ति प्रदान गरेको हो ।
फिनिक्स कलेजले यसअघि राष्ट्रिय क्रिकेट टिमका कुशल भुर्तेल, कमलसिंह ऐरी, सन्दीप जोरा, सूर्य तामाङ र भीम सार्कीलाई ४ वर्षे बीबीए अध्ययनका लागि पूर्ण छात्रवृत्ति प्रदान गरेको थियो ।
