साझा यातायातले प्रमुख कार्यकारी अधिकृतका लागि आवेदन खुला गरेको छ । रिक्त प्रमुख कार्यकारी अधिकृत पदका लागि आज एक सूचना जारी गर्दै साझा यातायातले दरखास्त आव्हान गरेको हो ।
कम्तीमा ३५ वर्ष उमेर पूरा भई ५८ वर्ष ननाघेको इच्छुक नेपाली नागरिकले साझा यातायातको केन्द्रीय कार्यालय पुल्चोक, ललितपुरमा सूचना प्रकाशन मितिले ३५ दिनभित्र आवेदन दिन सक्ने सुचनामा उल्लेख छ ।
जारी सूचना अनुसार प्रमुख कार्यकारी अधिकृतमा आवेदन दिने व्यक्तिको कम्तीमा स्नातकोत्तर वा सो सरह उत्तीर्ण गरी सार्वजनिक वा सङ्गठित संघ संस्थामा दशौँ तह वा सो सरहको श्रेणीको जिम्मेवारी लिइसकेको र सहकारी वा सार्वजनिक प्रशासन वा यातायात व्यवस्थापनको क्षेत्रमा कम्तीमा १० वर्षको अनुभव हासिल गरेको हुन पर्ने छ ।
