साताको पहिलो दिन सुन र चाँदीको मूल्य घटेको छ । आज (आइतबार) छापावाल सुनको मूल्य तोलामा एक हजार ३०० ले घटेसँगै एक लाख १७ हजार ५०० रुपैयाँमा कारोवार भएको हो ।
नेपाल सुनचाँदी व्यवसायी महासंघका अनुसार आज तेजाबी सुनको मूल्य एक लाख १६ हजार ९५० र चाँदी एक हजार ४२५ रुपैयाँमा कारोवार भएको छ ।
यसअघि शुक्रबार एक लाख १८ हजार ८०० रुपैयाँमा छापावाल सुन, एक लाख १८ हजार २५० मा तेजाबी सुनको कारोबार भएको थियो । यस्तै शुक्रबार एक हजार ४६० रुपैयाँमा चाँदीको कारोबार भएको थियो ।
