चितवन माडीका नुनवीर विश्वकर्मा साइकल यात्रामा मुक्तिनाथ पुगेका छन् ।
१३ दिनसम्म साइकल यात्रा गरी उनी प्रसिद्ध तीर्थस्थल मुक्तिनाथ पुगेका हुन् ।
माडीको धार्मिक तथा पर्यटकीय क्षेत्रको प्रचारप्रसारसहित सन्देश फैलाउने उद्देश्यले साइकलयात्रा सुरु गरेका थिए । करिब १५ वर्षदेखि साइकले चढ्दै आएका उनले फोनिक्स साइकल चढेर नै मुक्तिनाथ पुग्दा बाटोमा दुःख बिर्सिएको र आनन्द महसुस गरेको बताएका छन् । उनले गत साउन १४ गते माडीका विभिन्न पर्यटकीय एवम् धार्मिक स्थलहरूको झण्डा सहित माडीको कल्याणपुरबाट यात्रा सुरु गरेका थिए । मुक्तिनाथबाट उनी लुम्बिनीतिर लाग्ने जनाइएको छ ।
