बालगोपाल महर्जन ए डिभिजन क्लब चर्च ब्वाइज युनाइटेडको प्रशिक्षक नियुक्त भएका छन् ।
बी डिभिजनको च्याम्पियन बनेर हाल पहिलो पटक शहीद स्मारक ए डिभिजन लिग खेलिरहेका चर्च ब्वाइजले लिगको बीचमा बुधबार बालगोपाललाई प्रशिक्षक अनुबन्ध गरेको हो ।
चर्च ब्वाइजले सामाजिक सञ्जाल फेसबुकमार्फत महर्जनलाई प्रशिक्षक बनाएको जनाएको छ । यसअघि नेपाली मुलका अमेरिकन प्रदिप हुमागाईँलाई चर्च ब्वाइजले मुख्य प्रशिक्षक नियुक्त गरेको थियो ।
