नेवाः संस्कृति काठमाडौं उपत्यकाको मौलिक संस्कृति हो । काठमाडौं उपत्यका र वरपरका जिल्लाका आदिवासी वा मुख्य बासिन्दा नेवार हुन् । वाग्मती नदी वरपर रहेका उपत्यका नै नेवारका आदिम स्थल हुन् ।
नेवाः शब्दले कुनै नश्ल विशेषलाई नजनाइ भाषिक-सांस्कृतिक समुदायलाई जनाउँछ । नेपालको इतिहास खोतल्दै जाने हो भने काठमाडौं उपत्यकाको पानीले निकास पाएपछि बनेको बस्न योग्य भूमिसँगै नेवारहरूको बसोवास उपत्यकामा रहँदै आएको पाइन्छ ।
नेवारहरू सिर्जनात्मकतामा विश्वास गर्छन् । अहिले पनि नेवारी समुदायका धेरै मान्छेहरू मूर्तिकला, परम्परागत संगीतकला, चित्रकला, खाद्यकला लगायतका सिर्जनात्मक कर्ममा तल्लीन हुन्छन् ।
साहित्य साधना, कलाकारिता, राजनीतिलगायतका क्षेत्रमा काठमाडौंका नेवारहरूले नेतृत्वदायी भूमिका निर्वाह गरेका छन् । नेपालको धार्मिक, सांस्कृतिक परिचयको मेरुदण्डका रूपमा नेवार जाति र नेवारी संस्कृतिलाई लिन सकिन्छ ।
किर्तिपुरमा धान कुट्दै महिलाहरुठेचोका महिलाहरु चकटी बुन्दै गफिदै ।भक्तपुरमा माटाका भाँडा सुकाउने तरखर गर्दै महिला ।भक्तपुरमा माटाको भाँडा बनाउदै पुरुष ।खोकनाका बृद्धहरु विश्राम गर्दै ।बुङमतीमा दाउरा चिर्दै बृद्ध ।खोकनाका मुखिया परम्परागत पोशाकमा ।सानागाँउकी महिला परालको खेलौना बनाउदै ।सिद्धिपुरका महिला सुकुल बुन्दै ।पाटनका बृद्ध महिला पाटीमा दौतरीसँग गफिदै ।प्याङगाँउमा प्याङ बनाउदै बृद्ध ।
