चितवन, कात्तिक १८–
राष्ट्रिय स्वतन्त्र पार्टीका सभापति रवि लामिछाने आफ्नो निर्वाचन क्षेत्रमा पर्ने इच्छकामना गाउँपालिकाको विकट बस्तिहरुमा पुगेका छन् । हात्तिबाङ, तोबाङ्ख, काउले, मैतेश, हपनी, धुर्केस, छापडाडा, मायाटार, चौतारा, दाहाखानी, लगायतका बस्तिमा पुगेर अभावमा बाँचेका नागरिकबाट आर्शिवाद लिएको लामिछानेले बताएका छन् ।
‘यहाँका मानिसहरुले के अपराध गरेका थिए र वर्षाैँसम्म यी कठिन पहाडहरुमा अभावै अभावले जीवन धान्न बाध्य हुनुपर्यो ? जनताको नाममा राजनिति गर्नेहरुसँग यो दुनियाँमा पाइने सबै सुबिधा छ तर यहाँका जनता दिनभरी हिँडेर राजमार्ग झर्नुपर्ने, बत्तिसमेत नभएर अँध्यारोमा बस्नु पर्ने, सिटामोल समेत नपाउने कहिले सम्म ? अब त अत्ति नै भयो’, उनले फेसबुकमा लेखेका छन् ।
जनताको जीवन परिर्वतन गर्दै सहर र गाउँको समान विकासका लागी बाचुन्जेल कर्म गर्ने कसम खाएको बताउँदै उनले अभावमा बाचेका जेष्ठ नागरिकहरुको आर्शिवाद लिएर मैदानमा आएको बताए । उनको पार्टी स्वतन्त्र पार्टीले हिजो मात्रै वाचा पत्र सार्वजनिक गरेको थियो ।
