देश/प्रदेश
अध्ययनका लागि भारत गएका २६ वर्षीय गोपाल खड्का बेपत्ता
०
रुकुम पश्चिम, बैशाख २३-
अध्ययनका लागि भारत गएका रुकुम पश्चिमका एक युवा एक हप्तादेखि बेपत्ता भएका छन् । रुकुम पश्चिमको मुसीकोट नगरपालिका-१ का २६ वर्षीय गोपाल खड्का एक हप्तादेखि भारतमा बेपत्ता हुनुभएको हो ।
भारतको देहरादुनमा रहेको अल्पाइन इन्सिच्युट अफ म्यानेजमेन्ट एण्ड टेक्नोलोजी कलेजमा बीएस्सी अध्ययन गरिरहेका खड्का गएको शुक्रवारदेखि हराउनुभएको उहाँका बुबा चिताराम खड्काले बताउनुभयो ।
परीक्षा सकेर नेपाल फर्किँदै गर्दा गोपाल हराउनु भएको हो । गोपालको खोजीका लागि नेपाल सरकारमार्फत भारतीय राजदूतावास नयाँ दिल्लीलाई पत्राचार गरिएको छ । तर अहिलेसम्म पत्ता लागेको छैन।
कहीँकतै भेटेमा वा गोपालको विषयमा जानकारी भएमा परिवार वा प्रहरी समक्ष जानकारी गरिदिन गोपालको परिवारले आग्रह गरेको छ ।
सम्पर्क नम्बरहरुः ७६१७६७७०६८, ९१९३७०६६२५, ९८३४०७३९७८
तपाइको प्रतिक्रिया दिनुहोस्
Leave a Reply
सम्बन्धित समाचार
लोकप्रिय समाचार
ताजा समाचार
छुटाउनु भयो कि?
>