नेपाली राष्ट्रिय महिला भलिबल टिम एसियाली सेन्ट्रल जोन भलिबल प्रतियोगितामा अपराजित रहँदै फाइनल प्रवेश गरेको छ ।
सोमबार भएको राउण्ड रोबिनको अन्तिम खेलमा किर्गिस्तानलाई हराउँदै नेपाली महिला टोलीले लगातार पाँचौं जित निकाल्दै उपाधिका लागि उज्वेकिस्तानसँग भेट पक्का गरेको हो।
नेपालले कीर्गिस्तानलाई २५-८, २५-१४, २५-१६ ले पराजित गरेको हो ।
उपाधिका लागि नेपालले मंगलबार उज्वेकिस्तानसँग खेल्नेछ । सोमबारै भएको खेलमा उज्वेकिस्तानले श्रीलंकालाई ३-२ को सेटमा हराएर फाईनलमा स्थान बनाएको हो।
