लोडसेडिङ हटाएर सर्वाधिक चर्चामा रहेका कुलमान घिसिङलाई पुनः विद्युत प्राधिरणको कार्यकारी निर्देशक बनाउने गरी प्रक्रिया अघि बढाउन प्रधानमन्त्री शेरबहादुर देउवाले निर्देशक र्दिका छन् ।
उर्जामन्त्री पम्फा भुषाललाई बालुवाटार बोलाएरै कुलमानलाई कार्यकारी निर्देशकमा नियुक्त गर्ने गरी प्रक्रिया थाल्न निर्देशन दिएका हुन् ।
प्रधानमन्त्रीको निर्देशनपछि उर्जामन्त्री भुसालले प्राधिकरणका हालका कार्यकारी निर्देशक हितेन्द्रदेव शाक्यलाई बोलाएर राजीनामा दिन भनेकी छन्।
शाक्यले राजीनामा नदिए सरकारले स्पष्टीकरण सोधेर हटाउने तयारी थालेको छ । कुलमानले लोडसेडिङ हटाउनुका साथै लामो समय घाटामा रहेको प्राधिकरणलाई नाफामा ल्याएका थिए। उनको चार वर्षे कार्यकाल सकिएपछि तत्कालीन केपी शर्मा ओली नेतृत्वको सरकारले उनको पुनर्नियुक्त गरेको थिएन।
