विवेकशील साझा पार्टीका अध्यक्ष रविन्द्र मिश्रले संघीयता खारेजी र धर्म निरपेक्षाताबारे जनमत संग्रहको प्रस्ताव गरेपछि नेपाल आदिवासी जनजाति महासंघले विरोध जनाएको छ ।
महासंघले संघीयता खारेजी र धर्म निरपेक्षाताबारे जनमत संग्रहको प्रस्ताव संविधान विरोधी रहेको भन्दै बिरोध जनाएको हो । महासंघका अध्यक्ष जगत बरामले संविधान विपरीत प्रस्ताव आएको भन्दै विज्ञप्ती निकालेर कडा बिरोध जनाए । महासंघले
संविधान, राष्ट्रियता, गणतन्त्र, संघीयता, धर्मनिरपेक्षता, समानुपातिक समावेशी सिद्धान्त र नेपाली जनताको विरुद्धमा लाग्ने जो कसैलाई पनि कारवाहीको दायरामा ल्याउन महासंघले नेपाल सरकारलाई आग्रहसमेत गरेको छ। विज्ञप्तीमा भनिएको छ–‘अन्यथा भएमा नेपाली जनताले कारबाही गर्ने व्यहोरा व्यक्त गर्दछ ।’
