चितवन विशेष
चश्मा व्यवसायीले दिए स्वास्थ्य सामग्री
चितवन, जेठ १८–
नेपाल चश्मा व्यवसायी संघ चितवनले कोभिड टास्क फोर्स चितवनलाइ स्वास्थ्य सामग्री सहयोग गरेको छ ।
टास्क फोर्सलाई करिब १ लाख ३५ हजार रुपैयाँ बराबरको स्वास्थय सामग्री सहयोग गरिएको नेपाल चश्मा व्यवसायी संघ चितवनका अध्यक्ष प्रकाश पौडेलले जानकारी दिए । स्वास्थ्य सामग्रीका लागि नेपाल होलसेल चश्मा व्यवसायी संघ काठमाण्डौ, एनसिडिए चितवन र सेवक फर्मा भरतपुरले सहयोग गरेको अध्यक्ष पौडेलले बताए । उक्त स्वास्थ्य सामग्री टास्क फोर्स चितवनकी एम्बेसडर डा. स्नेहा अधिकारीलार्इ हस्तान्तरण गरिएको थियो ।
हस्तान्तरण गरिएका स्वास्थ्य सामग्री अक्सिमिटर, औषधि, पन्जा, मास्क, फेस सिल्डलगायतका छन् ।
सहयोग हस्तान्तरण कार्यक्रममा एनसिडिए चितवनका अध्यक्ष इश्वर भण्डारी, पूर्वअध्यक्ष शिवप्रसाद पण्डित, सचिव लक्ष्मी श्रेष्ठ, चश्मा व्यवसायी संघ चितवनका कोषाध्यक्ष निरज पौडेल र सदस्य सरोज पौडेललगायतको सहभागिता रहेको थियो ।