शेरबहादुर देउवालाई प्रधानमन्त्री बनाउनुपर्ने दाबीसहित सर्वोच्च अदालतमा विपक्षी गठबन्धनले रिट दर्ता गरेको छ । सर्वोच्च अदालतका संचार विज्ञ किशोर पौडेलले रीट दर्ता भएको र अहिले सनाखतको काम भइरहेको बताएका छन् ।
सर्वोच्च अदालत जान लागेका विपक्षी दलहरूले तयार पारेको निवेदनमा एमालेको माधव नेपाल पक्षका २३ सांसदले हस्ताक्षर गरेका छन् । यसअघि ३० जनाले हस्ताक्षर गर्ने भनिएकोमा २३ जनाले मात्र हस्ताक्षर गरेका हुन । जसमा चितवन क्षेत्र नं. १ बाट निर्वाचित एमाले सांसद सुरेन्द्र पाण्डे पनि छन । एमाले सांसद गोकर्ण विष्ट, पवित्रा निरौला खरेल र गणेश पहाडी उपस्थित भएनन ।
