चितवनको माडी क्षेत्रमा आज दिउँसो हल्का वर्षा भएको छ ।
माडीका स्थानीयले नारायणी अनलाइनलाई जनाएअनुसार झण्डै पाँच महिनापछि पानी परेको हो । जल तथा मौसम विभागले हाल देशको पहाडी तथा हिमाली भूभागहरुमा आंशिक बदली रहने जनाएको थियो । मौसम विभागले नेपालमा पश्चिमी बायुको प्रभावले गर्दा वर्षा भएको जनाएको छ । मौसम विभागले भन्यो, ‘प्रदेश न २ र प्रदेश न ३ लगायत देशका पहाडी भूभागहरुमा आंशिक देखि सामान्य बदली रही पहाडी भूभागका थोरै स्थानमा हल्का बर्षा हुने सम्भावना छ । देशका उच्च पहाडी तथा हिमाली भूभागका थोरै स्थानमा हल्का हिमपातको सम्भावना रहेको छ । ’
