चितवनमा थप एक जना कोरोना भाइरस संक्रमित पुरुषको मृत्यु भएको छ ।
चितवन मेडिकल कलेज भरतपुरमा उपचाररत मकवानपुरको हेटौंडा उपमहानगरपालिका–१५ निवासी ४९ वर्षीय पुरुषको गयराति ११ः१० बजेको समयमा मृत्यु भएको अस्पतालका निर्देशक प्रा.डा.दयाराम लम्सालले जानकारी दिए ।
हेटौंडामा कार्तिक २४ गते कोरोना संक्रमण पुष्टि भएपछि थप उपचारका लागि उनलाई चितवन ल्याइएको थियो । यहाँ ल्याउदा उनमा श्वासप्रश्वासको समस्या थियो । कोभिड आइसीयूमा राखेर उपचार गर्दागर्दै उनको मृत्यु भएको हो ।
