भारतीय पूर्व कप्तान महेन्द्र सिंह धोनीले अन्तर्राष्ट्रिय क्रिकेटबाट सन्यासको घोषणा गरेको केही समय पछि नै समकालिन क्रिकेट सुरेश रैनाले पनि सन्यासको घोषणा गरेका छन् । आज साँझ ट्वीट गर्दै रैनाले पनि सन्यासको घोषणा गरेका हुन् ।
रैनाले आफ्नो क्रिकेट करियरमा १८ टेस्ट खेलेका छन् । जसमा उनले एक शतकको साथ ७६८ रन बनाएका छन् । यसका साथै रैनाले भारतका लागि २२६ एकदिवसीय खेल खेलेका छन् । यसमा रैनाको नाममा ५ वटा शतक रहेको छ भने ५ हजार ६१५ रन बनाएका छन् ।
यस्तै रैनाले ७८ वटा अन्तर्राष्ट्रि टि–ट्वान्टी खेल खेलका छन् । जसमा एक हजार ६०४ रन बनाएका छन् । जसमा उनको एक शतक समेत सामेल छ ।
अलराउण्डर रैना भारतीय टिममा मध्यक्रममा व्याटिङ गर्दथे । रैनाले अन्तर्राष्ट्रिय क्रिकेटबाट सन्यास लिए पनि आइपीएल भने खेल्ने छन् ।
