चितवनमा आज (शुक्रबार) थप एक जनामा कोरोना भाइरस (कोभिड–१९) संक्रमण पुष्टि भएको छ ।
भरतपुर अस्पताल कोभिड–१९ प्रयोगशालामा गरिएको परीक्षणमा भरतपुर महानगरपालिका–११ का ४६ वर्षीय पुरुषमा कोरोना भाइरस संक्रमण पुष्टि भएको प्रयोगशालाकी प्रमुख डा.नितु अधिकारीले जानकारी दिइन् । उनले ती संक्रमित क्वारेन्टिनमा रहेको जानकारी दिइन् ।
चितवनमा आज कुल १५७ नमुना परीक्षण गरिएको थियो । चितवनमा पछिल्लो समय परीक्षणको दर घट्दो छ भने संक्रमित पनि कम फेला परेको छ ।
