लकडाउन पछि मयूर यातायातले आफ्नो सेवा संचालन गरेको छ ।
लकडाउनका कारण लामो समयसम्म थन्किएका सार्वजनिक सवारी साधनहरु सरकारको निर्णय पश्चात संचालन भएका हुन् ।
मयुर यातायातका सञ्चालक दीपक भण्डारीले तीन वटा गाडी सञ्चालन सुरु गरेको बताए । उनले सरकारले भनेको स्वास्थ्य सुरक्षालाई ध्यान दिँदै गाडी सञ्चालन गरेको बताए ।
मयूर यातायातले ५० प्रतिशत भाडा बृद्धि गरेर सेवा सञ्चालन गरेको हो । अहिले मयूर यातायात बस काठमाडौं उपत्यकाभित्र संचालन भएका छन् । सरकारको निर्देशनपछि यातायात संचालन गर्ने तयारी सुरु गरेको सञ्चालक मोहन श्रेष्ठको भनाई छ ।
यता, साझा यातायातले पनि साउन १ गतेदेखि बस सञ्चालनको तयारी गरेको छ ।
