रिउ खोला तर्दै गरेको ना ५ त ७५६० नम्बरको ट्याक्टरलाई खोलाले बगाएको इलाका प्रहरी कार्यालय माडीले जनाएको छ । लगातारको वर्षाले खोलामा पानीको बहाब उच्च भएको थियो ।
रतनी हुँदै सिमरा जाँदै गरेको उक्त ट्याक्टर बीच पानीमै बन्द भएपछि चालक र अन्य सवार व्यक्तिहरु हामफालेर खोला तरेका थिए । सो ट्याक्टर खोलामै पल्टिएको थियो । पानीको सतह घटेपछि जेसीबीको सहायताले आज दिउँसो ट्याक्टर निकालिएको माडी प्रहरीले जनाएको छ ।
ट्याक्टरको इन्जिन र अन्य भागमा क्षति पुगेको प्रहरीले जनाएको छ ।
