बलिउड अभिनेता सुशान्त सिंह राजपूतले मुम्बईको बान्द्रामा रहेको आफ्नै घरमा आत्महत्या गरेका छन् । उनले डोरीको पासो लगाएर आत्महत्या गरेका हुन् ।
आत्महत्याको कारण खुलेको छैन । राजपूतको घरमा काम गर्ने व्यक्तिले बान्द्रा प्रहरी चौकीमा आत्महत्याबारे जानकारी गराएको बिबिसी हिन्दीकी पत्रकार मधु पालले बताएकी छन् ।
टेलिभिजनबाट आफ्नो अभिनय यात्रा सुरु गरेका उनले पछिल्ला वर्षहरुमा बलिउडमा राम्रा चलचित्रमा काम गरेका थिए ।
