लकडाउनको उल्लंघन गर्दै राजधानीका व्यपारीहरुले पसल खोल्न थालेपछि काठमाडौँ, ललितपुर र भक्तपुरका प्रमुख जिल्ला अधिकारीको संयुक्त आकस्मिक बैठक बोलाइएको छ ।
काठमाडौँ, ललितपुर र भक्तपुरको प्रशासन, सुरक्षा निकाय तथा स्थानीय तहका पदाधिकारहरुको समेत बैठकमा सहभागिता रहेको बताइएके छ । बैठकको निर्णयलाई महत्वका साथ हेरिएको छ ।
जिल्ला समन्वय समिति काठमाडौँको हलमा बोलाइएको बैठकमा व्यापारीले लकडाउन उल्लंघन गर्दै व्यापार व्यवसाय सुचार गर्न थालेपछि अब के गर्ने भन्ने बारे छलफल भइरहेको छ ।
लकडाउनको झण्डै ढाई महिनापछि व्यापारीहरुले पसल खोल्न पाउनुपर्ने भन्दै एकलौटी निर्णय गरेका छन् । लकडाउनको मोडालिटी फेर्ने बारे छलफल चलाइरहेकै बेला व्यापारीहरुले एकलौटी रुपमा पसल खुला राख्न थालेपछि सरकार दबाबमा परेको छ ।
