कोरोना भाइरस (कोभिड–१९) परीक्षणका लागि भरतपुर अस्पतालबाट शनिबार पठाइएको दुई जनाको नमुना परीक्षण रिपोर्ट नेगेटिभ आएको छ ।
भरतपुर अस्पतालले आज सूचना जारी गर्दै हिजो चैत २२ गते हेटौंडा पठाइएको दुई जनाको कोरोना परीक्षण रिपोर्ट नेगेटिभ आएको जनाएको छ ।
भरतपुर अस्पतालबाट यसअघि पठाएको २१ वटा नमुना परीक्षण रिपोर्ट पनि नेगेटिभ आएको थियो । यस्तै अस्पतालले आज दुई महिला र एक पुरुषको कोरोना परीक्षणका लागि स्वाब संकलन गरेको छ ।
