कोरोना भाइरस (कोभिड–१९) को संक्रमणलाई लिएर प्रधानमन्त्री नरेंद्र मोदीले आज देशबासीलाई सम्बोधन गर्दैछन्। उनले आज राती ८ बजे सम्बोधन गर्ने कार्यक्रम तय भएको भारतीय संचारमाध्यमहरुले जनाएका छन् ।
यस समयमा प्रधानमन्त्री मोदीले कोविड १९ सम्बन्धी मुद्दाहरू र रोक्ने प्रयासहरूको बारेमा जानकारी गराउने छन्।
प्रधानमन्त्री मोदीले कोरोना भाइरसको कारणले भएको अवस्था र यससँग सामना गर्न उठाइएका कदमहरू, सरकारको तयारीबारे कुरा गर्न सक्ने छन् ।
यसभन्दा पहिले, प्रधानमन्त्री मोदीले द्रुत गतिले बढिरहेको कोरोना भाइरसबाट उत्पन्न अवस्थाको समीक्षा गर्न उच्चस्तरीय बैठक गरेका छन्। बैठकमा प्रधानमन्त्री मोदीले कोरोना भाइरससँग जुझ्ने तयारीलाई थप सुदृढ पार्ने तरिकाहरूमा छलफल गरेका छन् । यसमा अनुसन्धान सुविधाहरूको विस्तार पनि समावेश छ। भारतमा कोरोना भाइरसका कारण संक्रमित व्यक्तिहरूको संख्या निरन्तर बढ्दैछ।
