सरकारले विकास कर भन्दै पेट्रोल र डिजेलको भाउ ५/५ रुपैयाँ बढाएको छ ।
मन्त्रिपरिषद्को फागुन १२ गते बसेको बैठकले प्रतिलिटर पाँच रुपैयाँ लिँदै आएको करलाई बढाएर १० रुपैयाँ पुर्याएको हो ।
अर्थमन्त्री युवराज खतिवडाले सञ्चारमन्त्रीका रुपमा बिहीबार पहिलोपटक मन्त्रिपरिषद्को पत्रकार सम्मेलनमा सहभागी हुँदै पेट्रोल र डिजेलमा प्रतिलिटर ५ रुपैयाँ विकास कर थप्ने सरकारको निर्णयबारे जानकारी गराएका हुन् ।
