चितवनको गौतम बुद्ध अन्तर्राष्ट्रिय क्रिकेट रङ्गशालामा १४ फ्रेबुअरी अर्थात् भ्यालेन्टाइन्स डेको दिन एउटा मैत्रिपूर्ण खेल खेलिएको थियो– फिल्म सेन्टी भाइरसको टिम र फिल्मी पत्रकारहरुबीच ।
कलाकार सिताराम कट्टेल ‘धुर्मुस’ र उनकी श्रीमती कुन्जना घिमिरे ‘सुन्तली’ अहिले चितवनमा स्टेडियम बनाउन लागी परेका छन् ।
त्यस्तै, खेलबाट अहिले धुर्मुस र सुन्तलीको तस्वीर समाजिक सन्जालमा निकै सेयर भइरहेको छ ।
तस्वीरमा धुर्मुसले आफ्नी श्रीमतीलाई क्रिकेट बल एउटा प्रेमीले प्रेमिकालाई गुलाब दिएको जस्तै दिएका छन् । क्रिकेट ब्याट लिएर उभिएकी सुन्तलीले यसको बदलामा मीठो मुस्कान धुर्मुसलाई दिएकी छिन् ।
चितवनमा गौतम बुद्ध अन्तर्राष्ट्रिय स्टेडियम बनाउन लागेको यो जोडीले आर्थिक स्रोत संकलनका लागि विभिन्न अरु कामहरु पनि गरिरहेका छन् । जस्तै, केहीअघि त्यहाँ धनधान्यचाल महायज्ञ लगाइएको थियो । धुर्मुस सुन्तली फाउन्डेसनले फिल्म सेन्टी भाइरस पनि बनाएको छ । यो फिल्मको कमाइको केही प्रतिशत गौतम बुद्ध अन्तर्राष्ट्रिय स्टेडियमलाई दिने भनिएको छ ।
