सहयोगी नेपाल संस्थाले माडी नगरपालिकामा रहेका तीन बिरामीलाई आर्थिक सहयोग गरेको छ ।
माडी नगरपालिका–४ निवासी आनन्द चालिसे, माडी नगरपालिका–७ निवासी दण्डपाणी गौतम र मनकुमारी ढकाललाई एक लाखका दरले तीन लाख रुपैयाँ सहयोग गरिएको सहयोगी नेपालका कोषाध्यक्ष कृष्णबहादुर रानाभाटले जानकारी दिए । विनोद रानाभाटको उद्धारका लागि संकलित रकम मध्ये आज तीन बिरामीलाई सहयोग गरिएको हो ।
सहयोग कार्यक्रममा माडी नगर प्रमुख ठाकुरप्रसाद ढकालले अशक्त बिरामीलाई माडी नगरपालिकाले पनि सक्दो सहयोग गर्ने र सहयोग गदै आइरहेको बताए । माडीको विकास र समृद्धि तर्फ अघि बढिरहेको समयमा नगरपालिकाले आर्थिक कमजोरी भएका बिरामीलाई सहयोेग गर्नेमा उनले जोड दिए । सहयोगी नेपालका अध्यक्ष हरिबहादुर रानाभाटको अध्यक्षतामा भएको कार्यक्रममा माडी नगरपालिका–७ का वडा अध्यक्ष बालकृष्ण सापकोटा, सहयोगी नेपालका कोषाध्यक्ष कृष्णबहादुर रानाभाटको उपस्थिति रहेको थियो ।
