गत भदौ १० गते रसुवास्थित भोटेकोशी नदीमा आएको बाढीले बेपत्ता बनाएकाहरुको खोजीकार्य चितवनमा आज (शनिबार) जारी रह्यो ।
शनिबार साँझसम्ममा चितवनमा थप २६ वटा शव संकलन गरिएको जिल्ला प्रहरी कार्यालय चितवनले जानकारी दिएको छ ।
योसंगै चितवनमा कुल २५९ शव संकलन गरिएको छ । जसमध्ये ६ वटा शवको मात्रै सनाखत भएको छ । सनाखत गरिएको शव परिवारको जिम्मा लगाईएको छ ।
अन्य शवहरुलाई भरतपुर–१ देवघाटस्थित जंगलमा जमिनमुनी व्यवस्थापन गर्न थालिएको छ । शनिबार रातिसम्ममा एक सय वटा शव जमिनमुनी व्यवस्थापन गरिने प्रहरीले जनाएको छ ।
