एक्सपर्ट एजुकेशन एण्ड भिजा सर्भिसेज चितवनले २३औं वार्षिकोत्सव मनाएको छ । शनिबार भरतपुर–१०, स्थित बेस क्याम्पमा एक विशेष कार्यक्रम गर्दै एक्सपर्टले वार्षिकोत्सव मनाएको हो । एक्सपर्ट हेटौंडा, कावासोती र चितवनमा रहेका ३ वटा शाखा गरि चितवन रिजनका सबै परिवार एक ठाउँमा भेला भएर विभिन्न कार्यक्रम, सम्मान र आत्मीयताका साथ वार्षिकोत्सव मनाएको हो ।
वार्षिकोत्सवको अवसरमा चितवनको विकट क्षेत्र शक्तिखोरमा रहेको चेपाङ छात्रावासमा अध्ययनरत विद्यार्थीहरूलाई विभिन्न शैक्षिक सामग्री सहयोग गरिएको थियो । शिक्षा र विद्यार्थीको हितमा आगामी दिनमा पनि यस्ता सामाजिक उत्तरदायित्वका कार्यहरूलाई निरन्तरता दिने एक्सपर्ट चितवनका प्रवन्ध निर्देशक डिल्ली राम अधिकारीले जानकारी दिए ।
वार्षिकोत्सवको अवसरमा एक्सपर्टले काउन्सलरहरूबीच अन्तर शाखा हाजिरीजवाफ प्रतियोगिता समेत सम्पन्न भएको छ । उक्त प्रतियोगितामा रत्ननगरबाट सहभागि समूह ‘बी’ले प्रथम स्थान हासिल गर्न सफल भयो भने समूह ‘ए’ले द्धितीय स्थान हासिल गर्न सफल भयो । हेटौंडा शाखा निकै प्रतिस्पर्धात्मक प्रतियोगितामा कावासोतीलाई पराजित गर्दै तृतीय स्थान हासिल गर्न सफल भयो । तेस्रो स्थानको लागि हेटौंडा र कावासोतीका समान १५० अंक पुगेपछि यी दुई टिमलाई पुनः दुई चरणमा प्रतिस्पर्धा गराउनुपरेको थियो । पहिलो चरणको पुनः अंक बराबर भएपछि दोस्रो चरणमा हेटौंडाले बाजी मारेको थियो ।
रमाइलोका साथै ज्ञान, टिम स्प्रिट र आपसी सहकार्य अभिवृद्धि गर्ने उद्देश्यले गरिएको यस प्रतिस्पर्धामा सबै टिमले उत्साहपूर्वक सहभागिता जनाएको थियो । उत्कृष्ट प्रदर्शन गर्ने प्रथम, द्वितीय र तृतीय हुने टिमले क्रमशः रु. २०,०००, रु. १०,००० र रु. ५,००० नगद पुरस्कार प्राप्त गर्न सफल रह्यो ।
२३ वर्षको यो यात्रामा एक्सपर्टलाई यहाँसम्म ल्याउन निरन्तर मेहनत गर्ने सम्पूर्ण टिमका सदस्यहरूप्रति प्रवन्ध निर्देशक अधिकारीले हृदयदेखि आभार प्रकट गरे । त्यस्तै सम्पूर्ण विद्यार्थी भाइबहिनी, अभिभावक, शुभचिन्तक, मिडियाकर्मी, शुभेच्छुकहरूले वर्षौंदेखि दिएको माया, विश्वास र साथप्रति पनि आभारी प्रकट गरे ।
एक्सपर्टले अष्ट्रेलिया, न्यूजील्याण्ड, युके, क्यानडा, युएसएमा उच्च शिक्षा अध्ययन गर्न चाहने विद्यार्थीहरुलाई परामर्श दिँदै आइरहेको छ ।
