जिल्ला प्रहरी कार्यालय चितवनमा एसपी फेरिएका छन् । चितवन प्रहरीको कमाण्ड एसपी गोबिन्द पुरीले सम्हाल्ने भएका छन् । नेपाल प्रहरी प्रधान कार्यालय आर्थिक प्रशासन तथा प्रबन्ध निर्देशनालय नक्सालमा कार्यरत थिए ।
अहिलेका एसपी राजन लिम्बुको झापा सरुवा भएको छ । चितवनमा काजमा आएका एसपी गौतम मिश्र पर्सामा गएपछि लिम्बु माघमा चितवन आएका थिए । प्रहरी प्रधान कार्यालयले सोमवार ६३ जनाको सरुवा गरेको छ । सरुवामा २३ जिल्लाका प्रहरी प्रमुख फेरिएका छन् ।
