एन्फा महिला लिग अन्तरगत आज भएको दोस्रो खेलमा विभागीय टोली नेपाल पुलिस क्लवले अपराजित यात्रा कायमै राखेको छ ।
एन्फा कम्प्लेक्स सातदोबाटोमा भएको खेलमा नेपाल पुलिस क्लबले बागमती युथ क्लबलाई १–० गोल अन्तरले पराजित गरेको हो । जितसंगै पुलिस २ जित र १ बराबरीका साथ अपराजित यात्रा कायमै राखेको छ । पुलिसको जितमा एक मात्र गोल खेलको ६५औं मिनेटमा निर्मला उपाध्यायले गरिन् । खेलमा थप गोल हुन सकेन र पुलिस १–० गोलले विजयी भयो ।
अखिल नेपाल फुटबल संघ (एन्फा) को आयोजना सुरु भएको लिगमा १० टोलीको सहभागिता रहेको छ। पहिलो चरणमा सबै टोलीले एकअर्काको सामना गर्नेछ ।
